Ауа райы
Астана 0 °С
Алматы -1 °С
валюта бағамы
USD 386.30
EUR 428.14
RUB 6.08
CNY 54.87

Түркістанда спорт ғимараты ашылды

2019 жылдың 15 қараша 2019 00:35

ТҮРКІСТАН. ҚазАқпарат – Түркістандағы Әл-Фараби атындағы жалпы орта мектебінде Екінші дүниежүзілік соғысына қатысқан осы білім ордасының ұстаздары мен түлектеріне, еңбек ардагерлеріне арналған «Ер есімі-ел есінде» атты ардагерлер тақтасы мен спорт ғимаратының ашылу іс-шарасы өтті. 90 жылдық тарихы бар білім ұясына республиканың әр өңірінен түлектері келіп, ақжарма тілектерін жеткізді, деп хабарлайды ҚазАқпарат тілшісі.

Салтанатты шара барысында Совет Одағының батыры Абдулла Үсенов пен Екінші дүниежүзілік соғысына қатысқан Сырлыбек Байжановқа арналған ескерткіш тақтасы ресми түрде ашылып, марқұмдарды үнсіздікпен еске алды. Мектеп директоры жиынның маңыздылығына тоқталып, демеушілік танытқан азаматтарға алғысын білдірді.

«2018 жылы сол кездегі шаһар басшысы Әліпбек Өсербаевтың басшылығымен спорт зал құрылысы басталып, биыл мінекей, пайдалануға беріліп отыр. Жаңа ескерткіш тұрғызу барысында мұнда аты жазылған тұлғалардың қатарын толықтырып, тағы бірқатар ардагер атанған мектеп түлектері мен мұғалімдерінің есімдерін енгіздік», – деді мектеп директоры Қайрат Жүсіпалиев.










Автор Айнұр Ақбаева
Басты сөздер: Спорт, Түркістан облысы,
Жоғары қарай