Ауа райы
Астана -3 °С
Алматы 5 °С
валюта бағамы
USD 378.60
EUR 417.75
RUB 6.13
CNY 54.58

Түркістанда еліміздегі екінші Медиаорталық пайдалануға беріледі

2019 жылдың 1 қазан 2019 16:50

ТҮРКІСТАН. ҚазАқпарат – Алматы әкімі Бақытжан Сағынтаев Түркістан өңіріне жасаған сапары барысында облыс орталығында салынып жатқан Медиаорталыққа барды, деп хабарлайды ҚазАқпарат тілшісі.

Медиаорталық — Алматы қаласының Түркістан облысына жасаған сыйлығы және ол қаланың жаңа әкімшілік-іскерлік орталығында құрылысы аяқталған алғашқы нысандардың бірі болмақ. Бұл - елордадағы «Қазмедиа орталығы» телерадиокешенінен кейін жаңадан салынған екінші Медиаорталық. Мұнда Түркістан облысындағы барлық телеарналар, радио, газет-журналдардың редакциясы орналасатын болады.

Ғимараттың жалпы көлемі — 3 мың шаршы метрді құрайды. Жобаның құны 4,8 млрд теңге.

Құрылыс-монтаждау жұмыстары 2019 жылдың ақпан айында басталған болатын. Пайдалануға осы қазан айында беріледі деп күтілуде.

Жақында өңірге түркітілдес елдердің ірі БАҚ өкілдерін шақыру көзделіп отыр.

Жоғары қарай