Ауа райы
Нұр-Сұлтан 9 °С
Алматы 15 °С
валюта бағамы
USD 380.56
EUR 430.15
RUB 6.02
CNY 55.55

Тректегі велоспорттан Азия чемпионаты: Қазақстандық 2 медаль иеленді

2019 жылдың 13 қаңтар 2019 12:45 721

АСТАНА. ҚазАқпарат - Индонезияда тректегі велоспорттан Азия чемпионаты аяқталды. Жарыстың үш түріне қатысқан «Астана» велокомандасының велошабандозы қазақстандық Артем Захаров екі медаль - командалық жарыстан «қола» және ұпай бойынша топтық жарыста «күміс» жүлде жеңіп алды. Бұл туралы ҚазАқпарат велокоманданың баспасөз қызметіне сілтеме жасап хабарлайды.

«Жалпы, жақсы нәтиже көрсетіп, Азия чемпионатынан екі медальмен оралмақшымын. Омниумда жолым болмады. Қазір Азияда бәсекелестік өте жоғары, спортшылардың деңгейі де өскен. Токиодағы Олимпиадаға дайындық жақсы, жоспар бойынша жылжып жатырмыз», - деді Артем Захаров.

Артем Индонезиядан Аустралияға барып, «Астана» велокомандасындағы әріптестеріне қосылады. Олар 15 қаңтарда Тур Даун Андер көпкүндік жарыс жолына шығады. Олимпиада ойынарына іріктеу аясында Артем 25-27 қаңтар аралығында Гонконгте өтетін Әлем кубогына қатысады.

 

 

Басты сөздер: Нұр-Сұлтан, Спорт,
Жоғары қарай