Ауа райы
Астана 31 °С
Алматы 30 °С
валюта бағамы
USD 384.87
EUR 432.52
RUB 6.11
CNY 55.95

Төрт жұмысшының өлімі: «Астана Су Арнасының» лауазымды басшылары тұтқындалды

2019 жылдың 14 маусым 2019 07:28 832

НҰР-СҰЛТАН. ҚазАқпарат - Төрт кісінің өліміне әкеп соққан оқыс оқиғаға қатысты мекеменің лауазымды тұлғалары кеше елорданың уақытша оқшаулағышына қамалды, деп хабарлайды ҚазАқпарат тілшісі.

Нұр-Сұлтан қалалық Полиция департаменті бастығының орынбасары Ғазиз Нұрқаевтың айтуынша, 23 мамырда сағат 16.00-де елордада «Астана Су Арнасы» мекемесінің сорғылық станциясы кәрізінің резервуарында демонтаждау жұмысын атқару кезінде төрт жұмысшы көз жұмған. Біреуі медициналық мекемеге жеткізілген.

«Нұр-Сұлтан қалалық Полиция департаменті 23 мамырда екі немесе одан да көп адамгның қайтыс болуына әкеп соққан еңбекті қорғау ережелерінің бұзылуына байланысты сотқа дейінгі тергеу амалдарын бастады. Тергеу барысында бірқатар сараптама мен арнайы тексеру жұмыстары жүргізілді. Куәгерлерден жауап алынды. Тергеу амалдарын жүргізу барысында «Астана Су Арнасы» мекемесінің лауазымды тұлғаларының кінәсі анықталды.  Осы жылдың 13 маусымында аталған факті бойынша Полиция департаментінің уақытша оқшаулағышына «Астана Су Арнасы» мекемесінің екі жетекшісі В. және М. қамалды», - деп хабарлады Ғазиз Нұрқаев.

Еске сала кетсек, «Астана су арнасының» 4 қызметкері метан газынан уланып көз жұмғанын бұған дейін хабарлаған болатынбыз.  Елорданың Полиция департаменті осы оқиғаға байланысты қылмыстық іс қозғады.

 

 

 

Жоғары қарай