Ауа райы
Нұр-Сұлтан 12 °С
Алматы 21 °С
валюта бағамы
USD 383.69
EUR 429.08
RUB 5.97
CNY 55.39

Төлеутай Рақымбековтің сенімді өкілдері семейлік сайлаушылармен кездесті

2019 жылдың 21 мамыр 2019 17:07 541

СЕМЕЙ. ҚазАқпарат - «Ауыл» партиясы атынан президенттікке ұсынылған Төлеутай Рақымбековтің сенімді өкілдері Семейде сайлаушылармен кездесті, деп хабарлайды партияның баспасөз қызметі.

Семейдегі ұн-құрама жем зауытында өткен кездесуде Төлеутай Рақымбеков бағдарламасындағы бірқатар бағыттар қызу талқыланды.

Айта кетейік, зауыттың ғасырға жуық тарихы бар. Қазір онда маңайдағы ауылдардан шикізат жиналып, айына 15 мың тонна дайын өнім шығарылады. Осыған орай, жиынға қатысушылар Төлеутай Рақымбеков бағдарламасында осындай кәсіпорындардың мәселесі көтерілгенін, оны оңтайлы шешу жолдары да көрсетілгенін сөз етті.

Төлеутай Рақымбековтың өңірдегі сенімді өкілдерінің сөзінше, ауыл - экономикамыздың негізі, өндірістің ошағы және рухани байлықтың қайнар көзі.

«Сондықтан, ауыл мәселесіне бей-жай қарауға болмайды», - деді жиында үміткердің сенімді өкілдері.

 

 

 

 

Жоғары қарай