Ауа райы
Астана -3 °С
Алматы -5 °С
валюта бағамы
USD 378.60
EUR 417.75
RUB 6.13
CNY 54.58

Теннис: Елордадағы матчта Надаль Джоковичті жеңді

2019 жылдың 24 қазан 2019 21:00

НҰР-СҰЛТАН. ҚазАқпарат – «Барыс арена» стадионында әлем теннисінің жұлдыздары Рафаэль Надаль мен Новак Джокович өзара шеберлік байқасты, деп хабарлайды ҚазАқпарат тілшісі.

Қазіргі таңда сербиялық Н.Джокович көш басында тұрғанымен, жуырда жаңартылатын рейтингте испаниялық Р.Надаль бірінші ракетка атанады.

Бұл екеуінің де атақ-даңқы жер жарады десек, артық айтқандық емес. Р.Надаль «Үлкен дулыға» турнирлерінде 19 мәрте чемпион атанса, Н.Джокович 16 рет топ жарған еді. Осыған дейін қарсыластардың 54 мәрте жолдары тоқайласса, соның 28-інде сербиялық спортшы басым түскен-ді. Оның үстіне Н.Джокович хард төсенішінде жақсы ойнайды. Елордадағы бәсеке де хард төсенішінде өтті. Дегенмен бұл бәсеке қайырымдылық әрі теннис сүйер жұртшылық көңілін көтеру мақсатында ұйымдастырылғандықтан, рейтингке ешқандай әсер етпейді.

Бірінші партияда Надаль брейкпен алға шықты – 3:1. Ол осы қарқынынан айырылған жоқ – 6:3.

Екінші сетте керісінше Джокович қарқынды ойнады – 6:3.

Есеп 1:1 болып теңескеннен кейін матч тағдыры үлкен тай-брейкте шешілді. Онда Надаль жеңіске жетті – 11:9.

Еске сала кетейік, бұдан бұрын елордада Надаль мен Джоковичтің кездесуі басталғанын жазған болатынбыз.

Автор Елжан Ералы
Басты сөздер: Спорт,
Жоғары қарай