Ауа райы
Астана -3 °С
Алматы -1 °С
валюта бағамы
USD 389.75
EUR 434.26
RUB 6.12
CNY 55.05

Теміртаулық оқушылар эко-челлендж бастады

2019 жылдың 18 қыркүйек 2019 14:47

ҚАРАҒАНДЫ. ҚазАқпарат – Қарағанды облысының Теміртау қаласында оқушылар экологиялық челлендж бастады, деп хабарлайды ҚазАқпарат.

Аймақ әкімдігінен мәлім еткендей, акция бастамашылары азаматтарды өз қаласын, ауласын көгалдандыруға шақырады. Оқушылар әлеуметтік желілер арқылы азаматтық белсенділікті арттырып, жасыл желектер отырғызуға барынша көп адам тартқысы келеді.
«№16 мектептің оқушыларымен бірге экологиялық челлендж жарияладық. Ағаш отырғызып, #дышиТемиртау хэштегі бар фото немесе бейнероликті әлеуметтік желілерге орналастыру қажет. Бұл қоршаған ортаға немқұрайлы қарамайтын адамдарды біріктіруге мүмкіндік береді деп ойлаймыз», - дейді педагог және тәуелсіз эколог Елена Варганова. Оның айтуынша, ағаштарды отырғызу дәстүрлі түрде 1 қазанда аталып өтетін қала күніне орай жақсы сыйлық бола алады. Ең белсенді көгалдандырушыларды ұйымдастырушылар сертификаттармен және сыйлықтармен марапаттауға уәде береді.


Жоғары қарай