Ауа райы
Астана 10 °С
Алматы 16 °С
валюта бағамы
USD 389.52
EUR 429.21
RUB 6.07
CNY 54.94

Тараздың орталық «Достық» алаңына Елбасының есімі беріледі

2019 жылдың 19 сәуір 2019 18:29

ТАРАЗ. ҚазАқпарат - Тараз қаласындағы «Достық» алаңына ҚР Тұңғыш Президенті Нұрсұлтан Әбішұлы Назарбаевтың есімі берілетін болды. Бұл маңызды шешім қалалық мәслихаттың тұрақты комиссия отырысында қабылданды, деп хабарлайды ҚазАқпарат тілшісі.

Айта кетейік, Қасым-Жомарт Тоқаев облыс орталықтарындағы ірі көшелердің бірін Елбасының атымен атау туралы бастама көтерген болатын. Осыған сәйкес, шаһардағы Төле би даңғылына ҚР Тұңғыш Президенті есімін беруді облыстық мәслихаттың кезектен тыс 33-сессиясында бекіткен. Бірақ, республикалық ономастикалық комиссия Жамбыл, Атырау, Ақтөбе, Қостанай облыстары әкімшілік орталықтарындағы жаңа атауды иеленетін объектілер мен көшелерді анықтай отырып, қайта қарау қажеттігін алға тартқан еді.

Осыған орай, тұрақты комиссия отырысында «Достық» алаңының атауын Нұрсұлтан Назарбаев алаңы деп өзгерту туралы ұсыныс талқыланып, қатысушылар бірауыздан қолдап мақұлдады. Бұл ұсынысты Тараз қалалық әкімдігі мен мәслихаты бірлесіп беріп отыр.

Жоғары қарай