Ауа райы
Нұр-Сұлтан 8 °С
Алматы 17 °С
валюта бағамы
USD 379.36
EUR 424.47
RUB 5.88
CNY 54.95

Талдықорғанда бүлдіршіннің екінші қабаттан құлау сәті видеоға түсіп қалған

2019 жылдың 16 мамыр 2019 00:07 6257

ТАЛДЫҚОРҒАН.ҚазАқпарат - Әлеуметтік желіде Талдықорғандағы шағын орталықтың екінші қабатынан кішкентай баланың құлау оқиғасының видеосы пайда болды, деп хабарлайды ҚазАқпарат.

Бейнебақылау камерасына жазылған кадрларда  оқиғаның қалай болғаны анық көрінеді. Ақ халат киген маман кішкентай баланы көтеріп, терезенің алдына тұрғызады. Терезенің жанында тұрған тағы бір баланы терезеге шығарады. Бейнежазбада тәрбиеші сынды көрінген маман бір баланың жамбас  тұсынан ұрғанға ұқсайды. Осы сәтте  терезеде тұрған екінші бала сыртқа  құлап кетеді. Қазір желі қолданушылары терезеге апарған маманды жазалауды талап етіп, түрлі пікірлер жазуда.

Оқиға 15 мамыр күні Талдықорғандағы «Қарлығаш»  шағын орталығында болған. Қазір осы фактіге орай соталды тергеу басталды. Іс ҚР ҚК 141 бабы бойынша жүргізіліп жатыр. Ал зардап шекккен екі жастағы бүлдіршін аурухананың жансақтау бөлімінде жатыр.

Осыған дейін Талдықорғанда шағын орталықтың екінші қабатынан кішкентай баланың құлап кеткендігін хабарлағанбыз.

Автор: Самал Қабышева
Басты сөздер: Оқиға, Алматы облысы,
Жоғары қарай