Ауа райы
Астана -18 °С
Алматы -2 °С
валюта бағамы
USD 383.95
EUR 429.26
RUB 6.16
CNY 55.02

Таиландтағы жарылыста қазақстандықтар зардап шеккен жоқ - СІМ

2019 жылдың 2 тамыз 2019 16:43

НҰР-СҰЛТАН. ҚазАқпарат - Таиланд билігінің ресми хабарлауынша, бүгін Бангкоктың бірнеше ауданында 7 кішігірім жарылыс болған, деп хабарлайды ҚазАқпарат ҚР Сыртқы істер министрлігінің баспасөз қызметіне сілтеме жасап.

«Алдын ала ақпаратқа сәйкес, бірнеше қоғамдық орында кішігірім жарылыс тіркелді, оның ішінде үкімет ғимараттары кешенінің жанында, қонақ үйлердің бірінің кіреберісінде, метро станциясының жанында, сондай-ақ Бангкок көшелерінің жаяу жүргіншілер аймағында. Зардап шеккендер мен ауыр жарақат алғандар жоқ. Таңертең көшелерді тазалап жатқан жергілікті коммуналдық қызметтің екі қызметкері және бір жолаушы жеңіл жарақат алды» делінген хабарламада.

Зардап шеккендер арасында шетелдіктер, оның ішінде Қазақстан азаматтары жоқ. Басқа мәліметтер туралы хабарланбады.

«Қазіргі таңда Бангкоктағы ҚР азаматтарына қауіпсіздік шараларын, жергілікті билік органдарының талаптарын қатаң сақтауға және халық көп жиналатын жерлерден тыс болуға кеңес береміз. Қандай да бір төтенше жағдай туындаған жағдайда, тез арада Қазақстан елшілігіне хабарласуы қажет» деп мәлім етті министрлік.


Фото: Soe Zeya Tun / Reuters


Жоғары қарай