Ауа райы
Нұр-Сұлтан 12 °С
Алматы 16 °С
валюта бағамы
USD 379.36
EUR 424.47
RUB 5.88
CNY 54.95

Тағы бір қазақстандық балуан Азия чемпионы атанды

2019 жылдың 24 сәуір 2019 18:42 938

НҰР-СҰЛТАН. ҚазАқпарат - Қытайдың Сиянь қаласында өтіп жатқан Азия чемпионатында Данияр Қайсанов еркін күрестен жеңімпаз атанды, деп хабарлайды ҚазАқпарат.

Қазақстан күрес федерациясы мәлім еткеніндей, Д.Қайсанов 74 кг салмақта топ жарды.

Данияр іріктеу сатысында моңғолиялық Отгонбаяр Батсуриді 8:1 есебімен ұтты. Ширек финалда өзбекстандық Артем Присяжнюкты бет қаратпай жеңді - 12:0.

Жартылай финалда бахреиндік Адам Батыров кілемге шықпағандықтан, Д.Қайсанов соңғы бәсекеде 5:0 есебімен үндістандық Амит Кумардың меселін қайырды.

Өткен жылы Шығыс Қазақстан облысының өкілі Д.Қайсанов Бішкекте Азия чемпионатының қола жүлдегері атанған болатын. Содан кейін Азия ойындарында күміс жүлдеге қол жеткізді. Енді, міне, алтыннан алқа тағып отыр.

Бүгін күрескен басқа балуандар жүлдеге ие бола алмады.

Осылайша еркін күрестен Қазақстан құрамасының бас бапкері Әсет Серікбаевтың шәкірттері 2 алтын, 1 күміс және 2 қола медаль жеңіп алды.

Еске сала кетейік, бұдан бұрын қазақстандық еркін күрес шеберінің Азия чемпионы атанғанын жазған болатынбыз.

 

 

 

 

 

Автор: Елжан Ералы
Басты сөздер: Қытай, Спорт,
Жоғары қарай