Ауа райы
Астана -3 °С
Алматы -12 °С
валюта бағамы
USD 376.51
EUR 418.91
RUB 6.13
CNY 54.90

СҚО: Денсаулық сақтау жүйесінде сатып алу алғаш рет электронды форматта жүргізілді

2019 жылдың 7 желтоқсан 2019 20:32

ПЕТРОПАВЛ. ҚазАқпарат – Солтүстік Қазақстан облысында денсаулық сақтау саласына келер жылы 38 млрд теңге жұмсалмақ, деп хабарлайды ҚазАқпарат тілшісі.

«Әлеуметтік медициналық сақтандыру қоры» Солтүстік Қазақстан филиалы баспасөз қызметінің хабарлауынша,

2018 жылдан бастап медициналық сақтандыру қоры тегін медициналық көмектің кепілдік берілген көлемі мен міндетті әлеуметтік медициналық сақтандыру пакеттерінің қаржылық операторы. ҚР Үкіметі бекіткен тәртіп бойынша ол халыққа қажет медициналық қызметтерді сатып алады. ӘМСҚ қызметінің қауіпсіздік деңгейін арттырып, айқындылықты қамтамасыз ету үшін, сондай-ақ адами факторды төмендету және мемлекеттік тапсырысты орындайтын медициналық қызметтерді көрсетушілерді іріктеуде уақытты қысқарту үшін электрондық форматқа ауыстырылды.

«ӘМСҚ» КЕАҚ СҚОФ баспасөз қызметінің ақпараты бойынша, 2020 жылы өңірдің денсаулық сақтау саласындағы сатып алуға 38 млрд теңгені жұмсау жоспарланған. Бұл соманың 28 млрд теңгесі тегін медициналық көмектің кепілдік берілген көлем пакетіне, ал 10 млрд теңге міндетті медициналық сақтандыру пакетіне беріледі. Бұдан басқа жалпы бюджетке Солтүстік Қазақстанның денсаулық сақтау саласының шығындары енгізілді. Бұл - медицина қызметкерлерінің еңбекақысы, дәрі-дәрмектердің құны, ұйымдарда тамақтандыру мен күтіп-ұстауға жұмсалатын шығындар.

2019 жылдың 3 желтоқсанынан бастап медициналық қызмет көрсететіндерден өтінімдер қабылдана бастады. Олардың өз хабарландыруларын жариялауға он күндері бар. 13 желтоқсаннан кейін өтінімдерді медициналық сақтандыру қорының, денсаулық сақтау басқармасының және республикалық электронды денсаулық сақтау орталығының өкілдері кіретін арнайы комиссия қарайды. Нәтижесінде медициналық қызмет көрсететіндермен келісім шарт жасалып, қаржы бөлінеді.

Денсаулық сақтау жүйесінде сатып алудың веб портал арқылы жүзеге асырылуы ең алдымен құжатты ресімдеуге кететін уақытты үнемдемек. Бұл екі тарап - Қор үшін де, медициналық ұйымдар үшін тиімді. Бұдан басқа, медициналық ұйымдар Қордың филиалдарындағы құжаттарға қол қою қажеттігінен арылып, қағаз құжат айналымына жұмсалатын шығындарды қысқартады. Осының бәрі жұмыс уақытын тиімді пайдалануға мүмкіндік бермекші.

Жоғары қарай