Ауа райы
Астана -6 °С
Алматы -3 °С
валюта бағамы
USD 388.81
EUR 429.01
RUB 6.08
CNY 55.49

СҚО-да саңырауқұлақ теруге шыққандар орманнан ер адамның мәйітін тапты

2019 жылдың 16 қазан 2019 17:45

ПЕТРОПАВЛ. ҚазАқпарат – Петропавл қаласының маңындағы ормандардың бірінен саңырауқұлақ теруге шыққандар ағашқа асылған ер адамның мәйітін тапты, деп хабарлайды ҚазАқпарат тілшісі.

СҚО Полиция департаменті баспасөз қызметінің мәліметінше, Омбыға баратын айналма тас жолдың бойындағы ормандардың бірінде ағашқа асулы тұрған ер адамның мәйітін 13 қазанда саңырауқұлақ терушілер көріп, құқық қорғау органдарына хабарлады.

Оқиға орнына шыққан жедел-тергеу тобы оның 1994 жылы туған Петропавл қаласының тұрғыны екенін анықтады. Ол осы күнге дейін із-түссіз жоғалғандар тізімінде болған. Сол маңнан ер адамның құжаттары, ақша және банк картасы табылды. Аталған факті сотқа дейінгі тергеп-тексерудің бірыңғай тізіліміне енгізілді. Қажетті сараптамалар тағайындалды.

Жоғары қарай