Ауа райы
Астана -11 °С
Алматы 0 °С
валюта бағамы
USD 375.90
EUR 426.65
RUB 5.82
CNY 55.99

Синоптиктер 22 ақпан күнгі ауа райы болжамын жариялады

2019 жылдың 22 ақпан 2019 05:00 434

АСТАНА. ҚазАқпарат - «Қазгидромет» РМК-ның өкілдері ақпанның 22-і күнгі ауа райы болжамын жария етті, деп хабарлайды ҚазАқпарат.

Кәсіпорын таратқан мәліметтерге қарағанда, атмосфералық ағындардың өтуіне байланысты 22 ақпан күні республиканың батысында және солтүстік батысында ауа райы құбылып тұрады.

Республиканың бірқатар аймақтарында жауын-шашын болса, ендігі бөліктерінде тұман түсіп, көктайғақ, бұрқасын болып, жел күшейеді.
Ақмола, Жамбыл, Солтүстік Қазақстан, Павлодар облыстарының кей жерлерінде тұман болады, желдің жылдамдығы секундына 15-20 метрге жетеді.

Қарағанды, Түркістан, Қызылорда, Маңғыстау облыстарының кей жерлерінде тұман түсуі ықтимал.

Шығыс Қазақстан облысының кей жерлерінде жел секундына 15-20 метр жылдамдықпен соғады, соңы жаяу бұрқасынға ұласады.
Алматы облысының кей жерлерінде тұман түсіп, көктайғақ болады.

Қостанай, Батыс Қазақстан облыстарының кей жерлерінде жаяу бұрқасын болып, желдің жылдамдығы секундына 15-20 метрге жетеді. Сондай-ақ тұман, көктайғақ болады.

Ақтөбе облысының бірқатар аумақтарында желдің жылдамдығы секундына 15-20 метрге жетіп, жаяу бұрқасын соғады, көктайғақ болады.

Атырау облысының кей жерлерінде тұман түсіп, көктайғақ болып, жел секундына 15-20 метр жылдамдықпен еседі.

Басты сөздер: Ауа райы, Қоғам,
Жоғары қарай