Ауа райы
Астана -3 °С
Алматы -12 °С
валюта бағамы
USD 376.51
EUR 418.91
RUB 6.13
CNY 54.90

Шымкенттегі орталық мешітте қайырымдылық шарасы өтті

2019 жылдың 15 желтоқсан 2019 00:03

ШЫМКЕНТ. ҚазАқпарат – Шымкенттегі «Halifa-Al Nahaian Аqmeshit» орталық мешітінде «Оқы! Жаратушы Раббыңның атымен» атты қайырымдылық шарасы өтті. Жиын аясында қала мешіттері мен медреселерге 1000 дана қасиетті Құран кәрім кітабы тегін үлестірілді, деп хабарлайды ҚазАқпарат тілшісі.

Шара барысында бас имамның орынбасары Ахметжан қажы Керімбек пен Кувейт мемлекеті «Дүниежүзілік қайырымдылық» қорының Қазақстандағы өкілдігінің басшысы, доктор Ясир Мухаммад Али сөз сөйлеп, жиналған жұртшылыққа ықылас пейілін білдірді. Өз кезегінде мешіт қызметкерлері рақымшылық танытып, жақсы амалдар атқарудың сауабы да салмақты екендігін айтты. Аталған шараға қаржылай қолдау білдірген қордың Қазақстандағы өкілдігіне мешіт қызметкерлері алғыс білдірді. Айта кетейік, Құран кәрім – мұсылман баласының тура жолдан таймай, өмір бағытын дұрыс тауып жүруіне арналған басшы кітап саналады.

Автор Айнұр Ақбаева
Басты сөздер: Шымкент, Қоғам, Дін,
Жоғары қарай