Ауа райы
Астана 8 °С
Алматы 6 °С
валюта бағамы
USD 432.55
EUR 470.83
RUB 5.84
CNY 61.31

Шымкентте екі адамды өлтірді деген күдікпен 20 жастағы жігіт ұсталды

2020 жылдың 19 ақпан 2020 19:10

ШЫМКЕНТ. ҚазАқпарат – Шымкентте екі адамды өлтірген деген күдікпен 20 жастағы жігіт ұсталды. Ол Түркістан облысының тұрғыны болып шықты, деп хабарлайды ҚазАқпарат тілшісі.

Қалалық полиция департаменті баспасөз қызметінің мәліметінше, сезікті қылмыс жасағаннан кейін бір тәуліктен соң қолға түскен.

«Аса ауыр қылмысты жасады деген күдіктіні Еңбекші аудандық полиция басқармасының қызметкерлерімен ұстады. Ол уақытша ұстау изоляторына қамалды. Қылмысты жасауға күдікті мен ер азаматтың арасындағы тұрмыстық жанжал себеп болған. Сезіктінің басқа қылмыстарға қатысы бар-жоғы тағайындалған сот-медициналық сараптама қорытындысына сәйкес белгілі болады. Аталған жайт Қылмыстық Кодекстің 99-бабы (Адам өлтiру) бойынша сотқа дейінгі тергеп-тексерудің бірыңғай тізілімінде тіркелген. Айғақты заттар тәркіленіп алынды» делінген хабарламада.

Айта кетейік, күні кеше қаладағы пәтерлердің бірінде еркек пен әйелдің денесі табылған болатын. Мәйіттерді марқұм болған әйелдің анасы тапқан еді. Қылмыскердің қолынан қаза тапқандар бұған дейін сол пәтерде бірге тұрған көрінеді.


Автор Айнұр Ақбаева
Басты сөздер: Шымкент, Оқиға,
Жоғары қарай