Ауа райы
Астана -3 °С
Алматы 4 °С
валюта бағамы
USD 389.86
EUR 435.32
RUB 6.12
CNY 55.12

Шалқар жол дистанциясының басшысы жұмысқа тұрғызу үшін 1,2 млн теңге пара алған

2019 жылдың 10 қазан 2019 18:08

ШАЛҚАР. ҚазАқпарат - Шалқар жол дистанциясының бастығына жемқорлық қылмыс жасады деген айып тағылды, деп хабарлайды ҚазАқпарат Сыбайлас жемқорлыққа қарсы іс-қимыл агенттігіне сілтеме жасап.

Ақтөбе облысының сыбайлас жемқорлыққа қарсы қызметі «ҚТЖ «ҰК» АҚ филиалы Ақтөбе магистральдық желі бөлімшесінің Шалқар жол дистанциясының бастығына қатысты пара алды деген күдікпен сотқа дейінгі тергеуді бастады.

Ол қала тұрғынынан оның ұлын жұмысқа орналастырғаны үшін жалпы сомасы 1 200 000 теңге көлемінде пара алды деген күдікке ілініп отыр.

Сотқа дейінгі тергеу жалғасуда. Күдікті ұсталып, Ақтөбе қалалық полициясының уақытша ұстау изоляторына қамауға алынды.

Күдіктіге қатысты түпкілікті шешімді сот қабылдайды.

Жоғары қарай