Ауа райы
Астана -4 °С
Алматы 2 °С
валюта бағамы
USD 387.14
EUR 428.18
RUB 6.06
CNY 55.23

Режеп Ердоған Нұрсұлтан Назарбаевты Наурыз мейрамымен құттықтады

2019 жылдың 21 наурыз 2019 17:48

АСТАНА. ҚазАқпарат - Қазақстан Республикасының Тұңғыш Президенті - Елбасы Нұрсұлтан Назарбаев Түркия Республикасының Президенті Режеп Тайип Ердоғанмен телефон арқылы сөйлесті, деп хабарлайды Ақорданың баспасөз қызметі.

Әңгімелесу барысында Түркия Президенті тәуелсіз Қазақстанды қалыптастыру мен дамыту ісіндегі Нұрсұлтан Назарбаевтың тарихи рөлін ерекше атап өтті.

Режеп Ердоған бауырлас Түркия халқы Қазақстанның Тұңғыш Президентін түркі әлемінің ұлы перзенті әрі дүниежүзілік деңгейдегі саясаткер ретінде жоғары бағалайтынын атап өтті.

Түркия Президенті Режеп Ердоған Нұрсұлтан Назарбаевқа зор денсаулық пен толағай табыс тіледі.

Екі ел көшбасшылары бір-бірін Наурыз мейрамымен құттықтады.

Телефон арқылы сөйлесуге Түркия жағы бастамашы болды.

Жоғары қарай