Ауа райы
Астана 19 °С
Алматы 23 °С
валюта бағамы
USD 402.37
EUR 449.81
RUB 5.86
CNY 56.67

Ресей астанасында коронавирустан тағы бес адам көз жұмды

2020 жылдың 1 сәуір 2020 08:33

НҰР-СҰЛТАН. ҚазАқпарат – Мәскеуде жаңа коронавирус індеті диагнозы қойылған тағы бес адам қайтыс болды. Бұл туралы ҚазАқпарат ТАСС агенттігіне сілтеме жасап хабарлайды.

«Мәскеуде пневмония және коронавирус инфекциясы диагнозы расталған бес пациент көз жұмды. Егде жастағы пациенттердің барлығының созылмалы аурулары болған», - деп хабарлады Мәскеуде коронавируспен байланысты жағдайды бақылау және мониторингілеу жөніндегі жедел штаб өкілдері.

Штаб өкілдері қайтыс болған пациенттердің жасы 61-74 аралығында болғанын хабарлады. Олардың төртеуі өкпені жасанды желдету аппаратына қосылған. Бұрынғы аурулар арасында кардиосклероз, гипертониялық ауру, өкпенің созылмалы өткір дерті болған. Үш науқас қант диабетімен ауырды. Пациенттердің бірінде онкологиялық ауру болды», - деп нақтыланады хабарламада.

Жедел штаб Мәскеудің барлық тұрғындарына өзін өзі оқшаулау режимін ұстану қажеттілігі туралы тағы еске салды.


Басты сөздер: Медицина, Әлем, Коронавирус,
Жоғары қарай