Ауа райы
Астана 0 °С
Алматы -1 °С
валюта бағамы
USD 386.30
EUR 428.14
RUB 6.08
CNY 54.87

Пневмонияның алдын алу үшін не істеу керек

2019 жылдың 17 қараша 2019 20:47

НҰР-СҰЛТАН. Қаз-Ақпарат – Күздің соңғы айы – қараша тұмау және басқа да жұқпалы аурулардың пайда болу кезеңі болып саналады. Осы кезеңде пневмония да өршіп кетуі мүмкін, деп хабарлайды ҚазАқпарат Қоғамдық денсаулық сақтау ұлттық орталығының баспасөз қызметіне сілтеме жасап.

«Пневмония – бұл өкпе тінінің қабынуы, ол негізінен альвеолаларға әсер етеді және олардағы қабыну сұйықтығын дамытады. Аурудың басталуы дене қызуының жоғарылауымен, кеуденің ауыруымен, қақырықтың мол бөлінуімен сипатталады. Диагностиканың негізгі әдісі – флюорография, өкпенің рентгенографиясы. Бұл арқылы қара жарықтар мен қақырық дақтарын көруге болады», - дейді орталық мамандары.

Пневмонияның алдын-алу үшін үй-жайды үнемі желдетіп отыру, тұрғын үйді таза ұстау керек.

«Қозғалыс режимін сақтау керек. Таза ауада серуендеумен бірге қалыпты физикалық жүктемелер ауырып қалу мүмкіндігін төмендетеді. Зиянды әдеттерден бас тартып, қалыпты дене жүктемелерімен толыққанды демалысты ауыстыру керек және қатты салқындаудан сақ болу қажет. Сондай-ақ, тыныс алу органдарының созылмалы ауруларын емдеу курсынан уақытында өту өте маңызды», - дейді ҚДСҰО баспасөз қызметі.

Қазақстанда кең таралған ауруларға қарсы барлық белгілі вакциналар бар, соның ішінде ең озық 13 – валентті пневмоккты инфекцияға қарсы вакцина, ол 13 аса патогенді серотиптерді, яғни пневмоккты қамтиды.

Автор Зарина Қаһарман
Басты сөздер: Нұр-Сұлтан, Медицина,
Жоғары қарай