Ауа райы
Нұр-Сұлтан 11 °С
Алматы 12 °С
валюта бағамы
USD 378.56
EUR 424.44
RUB 5.91
CNY 56.36

Павлодардың теміржол және автовокзалдарынан 240 адам эвакуацияланды

2019 жылдың 23 наурыз 2019 00:02 983

ПАВЛОДАР. ҚазАқпарат - Павлодарда жарылғыш затқа қатысты хабарламадан кейін теміржол және автовокзалдардан 240 адам эвакуацияланды. Бұл туралы облыстық Полиция департаментіне сілтеме жасап pavlodarnews.kz сайты хабарлады.

«Сағат 18:49-да вокзалға бомба қойылғандығы туралы хабарлама түсті. Белгісіз адам үш рет қоңырау шалды: 18:49-да жарылғыш зат вокзалға, 18:51-де автовокзалға орнатылғанын айтты. 19:04-те қайта телефон соқты. Біздің саперлар екі ғимаратты да тінтіп шықты. Ешбір қауіпті зат табылмады», - деді ведомствода.

Полицейлер ҚР Қылмыстық кодексінің 273-інші «Террористік акті туралы көрінеу жалған хабар беру» бабы бойынша дереу тергеп-тексеру амалдарына кірісті. 

Кейін департаменттен мәлім еткендей, аталған факті бойынша облыстың 1992 жылғы тұрғыны ұсталды. Ол алкогольді мас күйінде болған.

«Ұялы телефоны тәркіленді. Тергеу амалдары жүргізілуде», - деді полицияда.

Күдіктіге қатысты бұлтартпау шарасын қолдану мәселесі шешілуде. 

 

 

Жоғары қарай