Ауа райы
Астана 9 °С
Алматы 16 °С
валюта бағамы
USD 385.16
EUR 425.95
RUB 6.01
CNY 54.51

Павлодардағы 87 елді мекен жоғары жылдамдықты интернетке қосылған

2019 жылдың 17 тамыз 2019 07:38

ПАВЛОДАР. ҚазАқпарат –Павлодар ауданында өткен жылы Шақат ауылы талшықтық-оптикалық байланыс желісіне қосылса, 2020 жылы 1 мамырда Набережное ауылын қамту көзделіп отыр, деп хабарлайды pavlodarnews.kz.


Бұл туралы «Қазақтелеком» АҚ Шығыс өңірлік телекоммуникация дирекциясының директоры Ермек Қуанышбеков мәлім етті.

«Ақпаратты Қазақстан-2020» бағдарламасына сәйкес «Қазақтелеком» елді мекендерде талшықтық-оптикалық байланыс желісін тартуға кірісті. Бұл жоба «Қазақтелеком» мен Ақпарат және коммуникация министрлігі арасындағы мемлекеттік-жекешелік әріптестік аясында жүзеге асырылады. Жоба 14 жылға есептелген. 2018-2020 жылдары құрылыс және қосылу, 2032 жылға дейін қызмет көрсету жоспарланған. Павлодар облысында барлығы 364 елді мекен бар. Бүгінгі таңда 87-сіне талшықтық-оптикалық байланыс желісі тартылған, - дейді Ермек Қуанышбеков.

ӨТД директорының айтуынша, былтыр жүзеге асырыла бастаған жоба аясында барлығы 9 елді мекен немесе 36 мемлекеттік мекеме интернетке қосылған. Биыл үш ауданда құрылыс басталған. 2020 жылдың 1 наурызынан бастап қосымша 20 елді мекен мен 74 мемлекеттік мекеме қамтылады.

«Бұрын интернеттің жылдамдығы ең көп дегенде секундына 4 мегабит, кейде 8 мегабит болатын. Қазіргі таңда секундына 100 мегабитке дейін жетеді. Шақат жалпы орта білім беру мектебінде жылдамдық 10 мегабитті құрайды.

Сондай-ақ, жергілікті әкімдік, полиция және фельдершік-акушерлік пукнтінде тартылды. Қазіргі таңда жеке адамдар да қосылуда. Жылдамдық жоғары болса, төлемақы да жоғары болмақ. Дегенмен, мектеп үшін 10 мегабит жеткілікті, - дейді Ермек Қуанышбеков.

Жоғары қарай