Ауа райы
Астана 8 °С
Алматы 14 °С
валюта бағамы
USD 389.98
EUR 434.01
RUB 6.10
CNY 55.04

Павлодар базарларында нитраты көп пияздар сатылып келген

2019 жылдың 24 қаңтар 2019 22:56

ПАВЛОДАР. ҚазАқпарат - Павлодар қаласының базарларында көкөністердің құрамындағы нитратты анықтау мақсатында экспресс-зерттеу жүргізілді. Бұл туралы бүгін өңір әкімдігінде өткен жиында облыстық мәслихаттың хатшысы Бақыт Бексейітова мәлім етті, деп хабарлайды ҚазАқпарат pavlodarnews.kz сайтына сілтеме жасап.

«Қауіпсіз тамақтану бойынша сатып алушылардың арасында сауалнама ұйымдастырылды. Оған қоғам денсаулығын қорғау департаментінің өкілдері мен депутаттар қатысты. Зерттеу нәтижесінде пияздың құрамында нитраттың шамадан тыс артқаны анықталды. Базарлардың басшыларына бұл кемшілікті жою және құрамында нитраты бар тауарларды өткізбеу бойынша нұсқама берілді», - дейді Бақыт Бексейітова.

Сонымен қатар, депутаттардың бастамасы бойынша департаменттің мамандарымен бірге облыс орталығындағы дүкендердегі балалар ойыншықтарының қауіпсіздігіне мониторинг ұйымдастырылған. Зерттеу нәтижесінде Еуразия экономикалық одағының техникалық регламентінің сақталмау фактілері анықталған. Қауіпті өнімдер саудадан алынды. Дүкендердің басшыларына санитарлық-эпидемиологиялық қауіпсіздік саласындағы олқылықтарды жою тапсырылды.

Басты сөздер: Павлодар облысы, Аймақ,
Жоғары қарай