Ауа райы
Астана -5 °С
Алматы 4 °С
валюта бағамы
USD 378.60
EUR 417.75
RUB 6.13
CNY 54.58

Парижде полицей төрт әріптесін пышақтап өлтірді

2019 жылдың 4 қазан 2019 17:24

ПАРИЖ. ҚазАқпарат – Париж полициясының қызметкері жұмыс орнында төрт әріптесін пышақтап тастады, деп хабарлайды «ҚазАқпарат» ХАА ВВС-ге сілтеме жасап.

45 жастағы Микаэль Харпон жергілікті уақытпен 13:00 шамасында полиция ғимаратына кіріп, тура өз кабинетіне беттеген. Жол бойы кездескен әріптестерінің бәріне пышақ сұға берген. Оны оқиға орнында әріптестерінің бірі атып өлтірген. Бірақ оған дейін баспалдақта екі әйелді, кабинетінде отырған тағы үш ер адамға пышақ сермеп үлгерген.

Париж прокуроры Реми Хейцтің мәліметінше, өкінішке қарай, үш ер адам мен бір әйел қаза тапқан. Әйелдердің екіншісі аман қалған, бірақ хал үстінде жатыр.

Харпонның әйелі шұғыл түрде қамауға алынды. Бірақ прокуратура оған ешқандай айып тағылмағанын мәлімдеді.

Оқиға орнына Франция президенті Эмманюэль Макрон, премьер-министр Эдуард Филипп және ішкі істер министрі Кристоф Кастанер шұғыл жеткен.

Кастанердің айтуынша, Харпон полицияда бағдарламалаушы болып жұмыс істеген, 70% саңырау болған.

Басты сөздер: Әлем,
Жоғары қарай