Ауа райы
Астана 0 °С
Алматы -1 °С
валюта бағамы
USD 386.30
EUR 428.14
RUB 6.08
CNY 54.87

Отырарда кезекті «Халықтық кеңсе» ашылды

2019 жылдың 15 қараша 2019 05:51

ОТЫРАР. ҚазАқпарат – Түркістан облысы, Отырар ауданының орталығы Шәуілдір елді мекенінде «Халықтық кеңсе» ашылды. Кәсіпкерлер палатасы ғимаратынан ашылған кеңсе ендігі жерде ауыл тұрғындарына қызмет көрсетеді, деп хабарлайды ҚазАқпарат тілшісі.

Ашықтықты қамтамасыз ету мақсатында ашылған кеңседе мемлекеттік қызметтер сапалы түрде көрсетіліп, құжаттар рәсімдеу жеңілдетіледі. Аптаның дүйсенбі және жұма күндері аралығында жұмыс істейтін кеңседе түрлі саланың білікті мамандары тұрғындардың сұрақтарына жауап беріп, халыққа тиімді қызмет көрсететін болады. Енді аудан тұрғындары түрлі мәселелері мен өзге де сұрақтары бойынша әр мекемеге барып уақыт жоғалтпастан, осы кеңседе барлық сала бойынша қажетті қызмет түрлерін ала алады.

Айта кетейік, бұған дейін өңірдегі мұндай кеңселердің алғашқысы Түлкібас ауданында, әрі қарай облыстық Полиция департаментінде және барлық қалалық, аудандық полиция бөлімдерінде жаппай ашылған болатын. Сондай-ақ, азаматтар үшін қолайлы кеңселер алдағы уақытта басқа да қала,аудандарда ашылады деп жоспарланған.
Автор Айнұр Ақбаева
Басты сөздер: Қоғам, Түркістан облысы,
Жоғары қарай