Ауа райы
Астана 24 °С
Алматы 34 °С
валюта бағамы
USD 360.87
EUR 410.27
RUB 5.40
CNY 52.31

Отырар музей іспеттес келбетке ие болуы керек - әкім

2018 жылдың 16 шілде 2018 14:15 450

ТҮРКІСТАН ОБЛЫСЫ. ҚазАқпарат - Түркістан облысының әкімі Жансейіт Түймебаев Отырар ауданына жұмыс сапарымен барып, «Отырар төбе» қалашығындағы мамандармен бас қосты. Түркістан қаласының дамуы бойынша келген сәулетшілер мен археолог, тарихшылар аймақ басшысымен кездесуде көне шаһардың агломерациясы қандай болғанын айтып берді, деп хабарлайды ҚазАқпарат тілшісі.

«Отырар қалашығына келе жатқанда бірнеше төбелер бар. Олардың бәріне зерттеу жүргізілуі керек. Кезінде Отырар үлкен қала болса, соның айналасындағы ауылдар оған қызмет жасаған. Мысалы, «Алтынтөбе» деген жерде осы шаһарға қажетті тиындарды, ақшаларды, әйелдерге әшекей бұйымдарын басқан. Одан кейін «Жаман төбе» деген жерде малды сойып етін жіберіп отырған. «Шақты төбе» дейді. Онда пышақтарды қайраған. Яғни, агломерация сол кезде болған. Қазір көне қалашықты дамытуға облыс қазынасынан қаржы бөлініп жатыр. Себебі, мұнда келетін туристерге тиісті жағдай жасалу керек. Негізінен, бұл аймақ келешекте ашық аспан астындағы музей іспеттес келбетке ие болуы керек», - деді Жансейіт Түймебаев.


null

Мұнан соң, жұмысшы топ Отырар мемлекеттік археологиялық қорық-мұражайын аралады. Ондағы күрделі жөндеуден өткен экспозиция залының жұмыстарымен танысты.

Отырар қалашығы б.з.б I ғасырға жатады. Шаһардың аумағы ұзындығы мен еніне қарай шамамен бір күндік жер болған. Яғни, Отырар сол кезде 200 гектардай жерді алып жатыр. Қаланың мәдени орталықтарында кездесетін өрттің іздері бұл қала бір рет емес, бірнеше рет шабуылдарға ұшырағандығын көрсетеді.

«Мәдени мұра» және «Ежелгі Отырарды жаңғырту» мемлекеттік бағдарламалары аясында 2004-2007 жылдары Отырар қалашығының XIV ғасырдың жұма мешіті, XVI ғасырдың тұрғын үй орамы, XI-XII ғасырлардың тұрғын жайлары, қабырғалар, орталық қақпа және «Дарваза-и суфи», стратиграфиялық шурф, XIV ғасырдың моншасы сынды бірқатар ескерткіштері зерттеліп, оларды консервациялау және музейлендіру бойынша ауқымды жұмыстар жүргізілген.


null

Бүгінгі күні Отырар ауданының 50 мыңнан астам тұрғыны бар. Ал ежелгі қаланы көруге жылына одан екі есе көп турист келеді.

Туристерге қолайлы жағдай туғызу мақсатында аудандық бюджет есебінен «Арыстанбаб» кесенесі мен «Отырар төбе» қалашығы аралығындағы 1,7 шақырым аралықты абаттандыру жобалау-сметалық құжаттамасы әзірленіп, сараптама қорытындылары алынды. 



null

null

null

 

Жоғары қарай