Ауа райы
Нұр-Сұлтан 26 °С
Алматы 26 °С
валюта бағамы
USD 378.83
EUR 430.99
RUB 6.04
CNY 55.05

Оралда тұрғын үйге «бомба қойған» адам іздестірілуде

2019 жылдың 15 сәуір 2019 18:37 1176

ОРАЛ. ҚазАқпарат - Оралда тұрғын үйге «бомба қойылғаны» жөніндегі хабар жалған болып шықты, деп хабарлайды ҚазАқпарат тілшісі.

БҚО полиция департаментінің баспасөз қызметінен түскен мәліметке қарағанда, оқиға бүгін таңмен сағат 05.00-де болды.

Белгісіз ер адам ұялы телефоннан Махамбет ақын көшесі 7-мекенжайындағы үйде бомба қойылды деп 102-ге қоңырау шалған.

Қазіргі кезде телефон шалған адам іздестірілуде. ҚР ҚК 273-бабына (терроризм актісі туралы көрінеу жалған хабарлау) сәйкес тергеу амалдары жүргізілуде.

Айта кетейік, бұл бап бойынша айыпты деп танылған адам бес мың айлық есептік көрсеткіш мөлшерінде айыппұл салуға не сол мөлшерде түзеу жұмыстарына не бес жылға дейінгі мерзімде бас бостандығын шектеуге не сол мерзімге бас бостандығынан айыруға жазаланады.

 

 

Жоғары қарай