Ауа райы
Астана -19 °С
Алматы 2 °С
валюта бағамы
USD 388.49
EUR 427.26
RUB 6.06
CNY 55.32

Оралда таеквондодан Азия чемпионы жоғалып кетті

2019 жылдың 17 маусым 2019 18:32

ОРАЛ. ҚазАқпарат - Оралда жасөспірім спортшы қыз жоғалып кетті, деп хабарлайды ҚазАқпарат тілшісі.

Облыстық Полиция департаментінен түскен мәліметке қарағанда, 16 жастағы Лиана Шарифуллақызы Кушкеева 16 маусым күні сағат 17.30 шамасында үйінен шығып кеткеннен оралмаған.

«Қазіргі кезде Орал қаласы полиция басқармасының қызметкерлері іздестіру жұмыстарын жүргізуде. Оны іздеуге жеке құрам жұмылдырылды. Лиананы көрген адамдар болса, 8-711-92-18-04, 92-18-41, 92-18-42 немесе 102 телефонына хабарласуын сұраймыз», - деді департаменттің баспасөз қызметінен.

Полицейлердің айтуынша, Лиананың үстінде «S» жазуы бар көк түсті футболка, қара спорттық шалбар, аяғына қызғылт спорттық аяқкиім киген. Бойы 170 см, арықша келген, шашы қара, ұзын, ерекше белгісі - мұрнында меңі бар.

Айта кетейік, Лиана Кушкеева спорт саласында бірқатар жетістіктерге қол жеткізген. 2017 жылы Вьетнамда таеквондодан өткен кадеттер арасындағы Азия чемпионатында жеңімпаз атанғанын жазған едік.

Жоғары қарай