Ауа райы
Астана 17 °С
Алматы 21 °С
валюта бағамы
USD 386.04
EUR 427.77
RUB 5.88
CNY 54.45

Оралда ер адам шұңқырға құлап кетті

2019 жылдың 22 шілде 2019 18:46 721

ОРАЛ. ҚазАқпарат – Оралда ер адам шұңқырға құлап кетті, деп хабарлайды ҚазАқпарат тілшісі.

БҚО ТЖ департаменті жедел құтқару жасағының бас құтқарушы-психологы Лейла Әбдірахманованың айтуынша, оқиға 21 шілде күні болды.

Ет комбинаты ауданы Физкультурная көшесінде 1971 жылғы ер адам абайсызда септикке арналып қазылған, тереңдігі 2,5 метр шұңқырға құлаған.

Оқиға болған жерге №2 жедел құтқару жасағының құтқарушылары (4 адам, 1 техника) жетіп, альпинистік жабдықтар мен құтқару орамасының көмегімен зардап шегушіні шұңқырдан алып шықты.

Ер адам медициналық жедел жәрдем бригадасына тапсырылды. Оқиғаның мән-жайын учаскелік полиция инспекторы анықтады.

Облыстық денсаулық сақтау басқармасынан түскен мәліметке қарағанда, жедел жәрдем 18.25-те шақырылды. Жарақат алған ер адам облыстық көпбейінді ауруханаға жеткізілді.

Жоғары қарай