Ауа райы
Астана -10 °С
Алматы 4 °С
валюта бағамы
USD 388.49
EUR 427.26
RUB 6.06
CNY 55.32

Оралда автокөлік қағып кеткен 29 жастағы жігіт көз жұмды

2019 жылдың 15 қазан 2019 11:53

ОРАЛ. ҚазАқпарат – Оралда автокөлік қағып кеткен жас жігіт көз жұмды, деп хабарлайды ҚазАқпарат тілшісі.

БҚО полиция департаментінің баспасөз қызметінен түскен мәліметке қарағанда, оқиға кеше кешкісін Орал-Өскен жолында болды.

1982 жылғы жүргізуші «Мерседес» автокөлігімен 1990 жылғы жаяу жүргіншіні қағып кетті. Марқұм оқиға орнында жедел жәрдем келгенге дейін қаза тапты.

Қазіргі кезде ҚР ҚК 345-бабы 3-бөлігіне сәйкес тергеу амалдары жүргізілуде.

Облыстық денсаулық сақтау басқармасының баспасөз хатшысы Айнагүл Сақпосынова жедел жәрдемнің сағат 21.39-да шақырылып, 21.45-те жеткендігін мәлім етті.

Жалпы, өңірде соңғы кезде жол-көлік оқиғалары көбейіп кетіп отыр.

Еске сала кетейік, бұдан бұрын БҚО-да жол апатынан бір аптада үш адамның қаза тапқанын жазған болатынбыз.

Жоғары қарай