Ауа райы
Астана 16 °С
Алматы 21 °С
валюта бағамы
USD 371.86
EUR 433.33
RUB 5.46
CNY 54.13

Оралда ауруханаға түскен 8 баланың жетеуі үйлеріне жіберілді

2018 жылдың 5 мамыр 2018 20:00 883

ОРАЛ. ҚазАқпарат - Оралда кеше мерекелік шара кезінде ауруханаға түскен 8 баланың жетеуі үйлеріне жіберілді, деп хабарлайды ҚазАқпарат тілшісі.

Облыстық денсаулық сақтау басқармасының баспасөз хатшысы Айнагүл Сақпосынованың айтуынша, қазір біреуі ғана облыстық көпбейінді балалар ауруханасында жатыр, оның да жағдайы қанағаттанарлық.

Олардың бәріне де вегетативті-тамырлы дистония деген диагноз қойылған. Яғни балалар ыстықтан әлсіреген. Кеше құлаған бір балаға бас-ми жарақатын алған және миы шайқалған деген алдын ала қойылған диагноз расталмады. Жеті бала амбулаторлық емделуге жіберілген.

Еске сала кетейік, кеше мерекеге дайындық кезінде басы айналған 8 оқушының ауруханаға түскенін жазған болатынбыз. Олардың бәрі де - қала мектептерінің жоғары сынып оқушылары.

 

 

Жоғары қарай