Ауа райы
Астана -3 °С
Алматы 9 °С
валюта бағамы
USD 447.67
EUR 491.36
RUB 5.74
CNY 63.07

Онкологтарды шетелге тәжірибе жинақтауға жіберу керек - Әбілқайыр Сқақов

2020 жылдың 14 ақпан 2020 13:56

ПАВЛОДАР. ҚазАқпарат – Павлодар облысының әкімі Әбілқайыр Сқақов онкология және инсультке шалдығу жағдайларының артуымен қалай күресетінін айтты, деп хабарлайды ҚазАқпарат тілшісі.

«Павлодарда жоғары білікті дәрігерлер жұмыс істейтін онкоорталықтың ашылуы келешекке жақсы нышан беріп отыр. Бірақ осындай мықты онкологтар бастапқы медициналық-санитарлық көмек мекемелерінде жұмыс істеуі тиіс», - деді Естай атындағы Мәдениет сарайында тұрғындарға есеп берген Павлодар облысының әкімі Әбілқайыр Сқақов.

Өңір басшысы қатерлі ісікті бастапқы медициналық-санитарлық көмек кезеңінде алдын алуды немесе оны алғашқы сатыда анықтауды ескертті.

«Ауруларды ерте диагностикалауды және халықтың онкологиялық сақтығын жақсарту үшін дәрігерлерді ынталандыру бойынша мынадай шаралар қабылдау қажет: оларды әлеуметтік пакеттермен қамтамасыз ету, онкологтың қызметімен тікелей байланысты емес функцияларды орындаудан босату және дәрігерлерді үздік тәжірибелерді зерделеу үшін шетелге жіберу», - деп атап өтті Ә.Сқақов.

Авторы Антон Гагарин


Басты сөздер: Павлодар облысы, Әкім, Аймақ,
Жоғары қарай