Ауа райы
Астана 4 °С
Алматы 7 °С
валюта бағамы
USD 389.86
EUR 435.32
RUB 6.12
CNY 55.12

«Омбы - Майқапшағай» трассасында екі адам мерт болып, төртеуі зардап шекті

2019 жылдың 18 ақпан 2019 08:40

ПАВЛОДАР. ҚазАқпарат - Павлодар облысында жол апатынан екі адам қаза болып, тағы төртеуі зардап шекті, деп хабарлайды ҚазАқпарат pavlodarnews.kz сайтына сілтеме жасап.

Облыстық Полиция департаментінің баспасөз қызметінен мәлім еткендей, оқиға Павлодар ауданына қарасты Набережное ауылының маңында болды.

«17 ақпан күні сағат 10.27 шамасында «Омбы - Майқапшағай» тасжолында, Набережное ауылының жанында жол апаты тіркелді. «Форд» және «Хонда» маркалы автокөліктер соқтығысқан. Салдарынан «Хондада» отырған екі адам көз жұмды», - деді департаменттен.

Рavlodarnews.kz ақпаратына сәйкес, ажал құшқандар 41 және 44 жаста болған ерлі зайыптылар.

Сондай-ақ көліктердің жүргізушілері мен екі жолаушы түрлі жарақатпен Павлодар қаласының ауруханасына жеткізілді.

Аталмыш факті бойынша ҚР ҚК-нің 345-бабына сәйкес сотқа дейінгі тергеу амалдары басталды.

Басты сөздер: Павлодар облысы, Аймақ, Оқиға,
Жоғары қарай