Ауа райы
Нұр-Сұлтан 19 °С
Алматы 21 °С
валюта бағамы
USD 378.38
EUR 431.05
RUB 6.02
CNY 55.00

Нұрсұлтан Назарбаев Иордания королімен телефон арқылы сөйлесті

2019 жылдың 2 сәуір 2019 19:22 820

НҰР-СҰЛТАН. ҚазАқпарат - Қазақстан Республикасының Тұңғыш Президенті - Елбасы Нұрсұлтан Назарбаев Иордания Королі ІІ Абдалламен телефон арқылы сөйлесті, деп хабарлайды ҚазАқпарат Ақорданың баспасөз қызметіне сілтеме жасап. 

Иордания Королі ІІ Абдалла Нұрсұлтан Назарбаевтың Қазақстан Президенті өкілеттігін тоқтату туралы шешіміне қолдау білдіріп, бұл хабарды бүкіл әлем зор түсіністікпен қабылдағанын атап өтті.

ІІ Абдалла Нұрсұлтан Назарбаевпен жеке достығын жоғары бағалайтынын айтып, Елбасының Қазақстан мен Иордания арасындағы ынтымақтастықты қалыптастыру және дамыту ісіндегі тарихи рөліне тоқталды.

Иордания Королі Қазақстан Республикасының Тұңғыш Президенті - Елбасыға мықты денсаулық және алдағы қызметіне табыс тіледі.

Нұрсұлтан Назарбаев пен ІІ Абдалла алдағы уақытта тұрақты байланыстарын жалғастыра беруге уағдаласты.

Жоғары қарай