Ауа райы
Астана 15 °С
Алматы 18 °С
валюта бағамы
USD 386.70
EUR 427.15
RUB 6.06
CNY 54.57

Мені тірі деп танысын: Қостанай тұрғыны өзінің өлмегенін сотта дәлелдеді

2019 жылдың 19 тамыз 2019 22:33

ҚОСТАНАЙ. ҚазАқпарат – Сот шешімен Қостанай қаласының тұрғыны тірі адамдардың тізіміне енгізілді, деп хабарлайды ҚазАқпарат облыстық Мемлекеттік қызмет істері жөніндегі департаменттің баспасөз қызметіне сілтеме жасап.

Облыста маусым айының ортасында Мемлекеттік қызмет істері жөніндегі департаменттің ұйымдастыруымен «Халыққа жақын» акциясы өткен болатын. Оның барысында департаментке ер адам жеке сұрағымен жүгінген. Ол өзінің қайтыс болған адамдардың тізіміне енгенін айтқан. Мұны жүргізуші куәлігін ауыстыру үшін ХҚО-ға барған кезде білген.

«Қостанай тұрғыны жергілікті әкімдіктен көмек сұрап келген. Бұл мәселені Мемлекеттік қызмет істері жөніндегі департамент ерекше бақылауға алды. Ер адамға тиісті талап-арыз жасауға, тірі деп тану үшін қажетті дәлелдемелерді жинауға көмек көрсетілді. Міне, осыдан кейін қалалық сот азаматтың арызын қанағаттандырып, соттың бұрынғы шешімін бұзды», - дейді ведомствоның баспасөз хатшысы Аида Бажирова.

Департаменттегілер осындай акциялардың халыққа түрлі мәселелерді шешу кезінде қажет екенін атап өтті.

Жоғары қарай