Ауа райы
Астана -20 °С
Алматы 13 °С
валюта бағамы
USD 387.14
EUR 428.18
RUB 6.06
CNY 55.23

Маңғыстаулық самбошы әлем чемпионы атанды

2019 жылдың 14 қазан 2019 13:03

АҚТАУ. ҚазАқпарат – Ташкент қаласында жастар мен жасөспірімдер арасында өткен самбодан әлем чемпионатында маңғыстаулық Дәурен Төлегенов топ жарды, деп хабарлайды ҚазАқпарат тілшісі.

Байрақты бәсекеде маңғыстаулық самбошы, «Жас батыр» спорт мектебінің спортшысы Дәурен Төлегенов 56 кг салмақта қарсыластарының бәрін тізе бүктіріп, оқ бойы озып шықты.

Спортшы Түрікменстан, Колумбия, Әзірбайжан, Өзбекстан спортшыларын айқын басымдықпен жеңіп, әлем чемпионы атағын жеңіп алды.

«Дәурен Төлегенов - айтулы додаларда жүлде алып жүрген, болашағынан зор үміт күттіретін жас самбошы. 2019 жылы ҚР чемпионы, Азия чемпионы, Әлем чемпионы атанды. «Жас батыр» спорт мектебі ұжымының қуанышында шек жоқ. Чемпион тәрбиелеуде тер төгіп, еңбек етіп жүрген барша бапкерлерді құттықтаймын», - дейді «Жас батыр» спорт мектебінің директоры Манарбек Бисекенов.







Жоғары қарай