Ауа райы
Нұр-Сұлтан 24 °С
Алматы 24 °С
валюта бағамы
USD 378.01
EUR 420.88
RUB 5.84
CNY 54.64

Маңғыстауда екі жігітті белгісіз біреулер атып кетті

2019 жылдың 15 қаңтар 2019 13:21 1331

АҚТАУ. ҚазАқпарат - Кеше Мұнайлы ауданында сағат 20.00 шамасында белгісіз біреулер 1990 және 1993 жылы туған екі азаматты атып кеткен, деп хабарлайды ҚазАқпарат тілшісі.

Зардап шеккендерді ауруханаға әкелгені бейнебақылау таспасына түсіп қалған. Қазір видео әлеуметтік желіге тарап кеткен. Оқиға Ақтау қаласы мен Мұнайлы ауданы арасындағы қиылыста орналасқан дүкен маңайында болған. Оларды ауруханаға куәгерлер алып келген.

Шұғыл ауруханаға жеткізгенімен, жігіттерді аман алып қалу мүмкін болмады. Әзірге оқиғаның қалай болғаны белгісіз. Бұл іске қатысы бар үш азаматтың екеуі ұсталған.

МО ПД баспасөз қызметінің хабарлауынша, аталған факт бойынша ҚР ҚК-нің 99-бабы бойынша іс қозғалған. Тергеу жұмыстары жүріп жатыр. 

Автор: Ләйлім Әлім
Басты сөздер: Маңғыстау облысы, Оқиға,
Жоғары қарай