Ауа райы
Нұр-Сұлтан 5 °С
Алматы 14 °С
валюта бағамы
USD 379.36
EUR 424.47
RUB 5.88
CNY 54.95

Маған президенттік сайлауға қайтадан түсуге ұсыныс жасалуда - Нұрсұлтан Назарбаев

2019 жылдың 23 сәуір 2019 12:15 1739

 НҰР-СҰЛТАН. ҚазАқпарат - ҚР Тұңғыш Президенті - Елбасы Нұрсұлтан Назарбаев Қазақстан халқына өз алғысын жеткізді, деп хабарлайды ҚазАқпарат тілшісі.

«Менің президенттік өкілеттілігімді тоқтатуға қатысты үндеуім қазақстандықтар үшін күтпеген шешім болды. Кейбір адамдар бұл мәлімдемемді өкінішпен қарсы алды. Тіпті, маған түскен хаттардың ішінде президенттік сайлауға қайтадан түсуге ұсыныс жасап жатыр. Мен барлығына алғыс айтамын. Осы қобалжудың саяси астарын да түсініп отырмын. Адамдар болашақ үшін алаңдайды. Тұрақтылық пен тыныштықты қалайды. Ұлтаралық келісімнің сақталғанын тілейді. Халыққа ізгі ниеті үшін, махаббаты үшін, құрметі үшін басымды иіп, зор ризашылығымды білдіремін», - деді Н.Назарбаев «Nur Otan» партиясының кезектен тыс XIX съезінде.

Елбасы президенттік өкілеттігін тоқтатқанда дұрыс шешім жасағанына тағы бір мәрте тоқталды. Осы орайда, Нұрсұлтан Назарбаев «Nur Otan» партиясының атынан президенттік сайлауға түсетін Қасым-Жомарт Тоқаевқа толығымен сенетінін жеткізді. «Қасым-Жомарт Кемелұлы Тоқаев барлық қазақстандықтардың тең құқықтары мен өзара достық саясатын сақтайтын адам екенін сенімді түрде айта аламын», - деп атап көрсетті Н.Назарбаев.

Айта кетейік, бүгін Елбасы «Nur Otan» партиясынан ҚР Президенттігіне үміткер ретінде Қасым-Жомарт Тоқаевтың кандидатурасын ұсынды. Бұдан бөлек, Нұрсұлтан Назарбаев «Nur Otan» партиясының кандидатын қолдауға қатысты тапсырмалар берді

 

 

Жоғары қарай