Ауа райы
Астана -7 °С
Алматы 5 °С
валюта бағамы
USD 376.73
EUR 427.36
RUB 5.75
CNY 56.07

Қырғызстаннан келген 5 жасар қыз павлодарлықтарды таң қалдырды

2018 жылдың 23 шілде 2018 21:33 144

ПАВЛОДАР. ҚазАқпарат - Естай Беркімбаевтың 150 жылдық мерейтойында өнер көрсеткен ашық аспан астындағы цирк Павлодарға жол тартпақ, деп хабарлайды pavlodarnews.kz.

Ақынның мерейтойына арналған іс-шараға даршылар кездейсоқ  тап болған. Топ жетекшісі Шәмшідин Хожиматовтың айтуынша,  олар Қарағандыда гастрольдік сапармен жүріп, Екібастұз қаласына ат басын бұрған. Бұл жақта мерейтойда өнер көрсету туралы ұсыныс түскен. Әсіресе, 5 жастағы қыздың өнері қонақтардың көңілінен шықты.
«Бұл менің Бибісара атты немерем, - деді Шәмшідин Хожиматов. Оның биіктікте жүргеніне бірнеше жыл болды. Әзірге ол тек қана үлкен адамдармен бірлесе өнер көрсетеді. Ал  6 жасар немерем Бехрузбек керілген арқанның үстіне жалғыз шығады».

Даршылар отбасы 25 жыл бойы гастрольге шығып жүр. Осы уақыт ішінде топ Ресейдің жартысын аралап шыққан. Сонымен қатар, Украина мен Беларусь елінде болған. «Біз Қазақстанда өнер көрсеткенді ұнатамыз. Бізді  мұнда үнемі жылы қарсы алады», - деді даршылар.

Павлодар облысында соңғы рет даршылар 20 жыл бұрын болған. Ашық аспан астындағы циркті павлодарлықтар жақын арада тамашалай алады.   

Басты сөздер: Павлодар облысы, Спорт,
Жоғары қарай