Ауа райы
Нұр-Сұлтан 19 °С
Алматы 21 °С
валюта бағамы
USD 378.38
EUR 431.05
RUB 6.02
CNY 55.00

Қостанайдағы жол апаты: Сәбидің қолына ампутация жасалды

2019 жылдың 17 сәуір 2019 22:42 769

ҚОСТАНАЙ. ҚазАқпарат - «Арқалық - Торғай» тасжолындағы жол апаты салдарынан 2017 жылы туған сәби зардап шекті, деп хабарлайды ҚазАқпарат.

Облыстық денсаулық сақтау басқармасының баспасөз қызметі мәлімдегендей, жеңіл автокөлік Арқалық-Торғай бағытында келе жатқан. Жүргізуші рөлге ие бола алмай, көлік жол жиегіне аударылып кеткен.

«Жол-көлік оқиғасынан бір жарым жасар қыз бала зардап шекті. Оның оң қолына шынтақ буыны деңгейінде ампутация жүргізілді. Баланың жағдайы бірқалыпты» - дейді ведомствоның баспасөз қызметіндегілер.

Қазір сәби облыстық балалар ауруханасында ем қабылдап жатыр. Қасында анасы бар.

 

 

Жоғары қарай