Ауа райы
Астана -4 °С
Алматы 7 °С
валюта бағамы
USD 389.98
EUR 434.01
RUB 6.10
CNY 55.04

Қостанайда латын әліпбиі кабинеті ашылды

2019 жылдың 18 сәуір 2019 16:13

ҚОСТАНАЙ. ҚазАқпарат - Қостанай облысында латын қарпіне негізделген қазақ тілін оқыту кабинеті ашылды, деп хабарлайды ҚазАқпарат.

Бүгін «Тілдарын» облыстық тілдерді оқыту орталығында латын әліпбиіне негізделген қазақ тілін оқыту кабинеті ашылды. Облыстық тілдерді дамыту басқармасының басшысы Гүлжан Меңдекинова латын әліпбиіне көшу жобасы бойынша 2017 жылдан бастап 6 мыңнан астам іс-шара өткізілгенін жеткізді.

«Ақпараттық-түсіндіру тобы 500 мыңнан астамды қамтыды. 2018 жылы осынау жобаны іске асыруға 19 млн теңгеден астам қаражат жұмсалған. Соның ішінде ғылыми конференциялар, ашық сабақтар, семинарлар бар. Өткен жылғы Ұлттық комиссия мақұлдаған қазақ тілінің латынға негізделген емле-ережесін өңір тұрғындарына оқытып-үйрету мақсатында биыл 22 млн теңге бөлініп отыр», - деді басқарма басшысы.



null

Айта кетейік, осы жылы облыс әкімі Архимед Мұхамбетовтің қолдауымен аймақ бюджетінен орталықтың материалдық-техникалық базасын нығайтуға және жаңа кабинет жабдықтауға 7 млн теңге қаражат бөлінді. Енді бұл кабинетте қысқа мерзімді курстар оқыту жоспарланған. Әдіскер-оқытушылар 24 сағаттық қысқа мерзімді оқыту бағдарламасын әзірлеген.




null

Жоғары қарай