Ауа райы
Астана -13 °С
Алматы -2 °С
валюта бағамы
USD 378.60
EUR 417.75
RUB 6.13
CNY 54.58

Қостанайда 11 жасар қызға педофил тап берді

2019 жылдың 4 қазан 2019 18:09

НҰР-СҰЛТАН. ҚазАқпарат – Қостанайда тұрғындар қыз баланы зорламақ болған күдікті әрекетінің алдын алды, деп хабарлайды ҚазАқпарат тілшісі облыстық полиция департаментінің баспасөз қызметіне сілтеме жасап.

«Қылмыс 2019 жылы 2 қазанында жасалды. Шамамен сағат түскі бір кезінде 102 пультіне Алтынсарин-Назарбаев көшелерінің қиылысында белгісіз жігіттің қыз балаға тап беріп, денесіне жарақат салғаны туралы хабарлама түскен. Бірнеше минут ішінде жедел-тергеу тобы оқиға орнына келіп, соққы көрген 11 жасар қыз баланы тапты. Ол бірден облыстық балалар ауруханасына жеткізілді», - деп жазды Қостанай облысы полиция департаментінің бастығы Бекет Аймағамбетов Facebook-те.

Оның хабарлауынша, оқиға орнында белгісіз ер адамның баланы ұрып-соғып жатқанын бір әйел көріп қалған. Осыдан кейін ол жан-жағына айқайлап, көмекке шақыра бастаған. Дауысты естіген бірнеше жігіт жүгіріп келіп, күдіктіні полиция қызметкерлерімен бірге ұстап берген.

Қазіргі уақытта ҚР ҚК 120-бабы 4-бөлімі және 24-бабы бойынша қылмыстық іс жүргізілуде. Күдікті Қостанай қаласының токсикоман есебінде тұрған 28 жастағы тұрғыны. Ол қазіргі уақытта уақытша оқшаулағышта отыр.

Автор Аян Бекенұлы
Басты сөздер: Қостанай облысы, Оқиға,
Жоғары қарай