Ауа райы
Астана 23 °С
Алматы 20 °С
валюта бағамы
USD 386.82
EUR 428.67
RUB 5.86
CNY 54.95

Қазақстанның халықаралық резерві шілде айында 85,8 млрд долларды құрады

2019 жылдың 13 тамыз 2019 21:04 77

НҰР-СҰЛТАН. ҚазАқпарат - ҚР Ұлттық банкінің алдын ала мәліметі бойынша, Қазақстанның халықаралық резервінің көлемі 2019 жылдың шілде айында 85,876 млрд АҚШ долларын құраған.

Бұл көрсеткіш маусым айымен салыстырғанда 0,6%, 2018 жылдың желтоқсанымен салыстырғанда 3,42%-ке аз, деп хабарлайды ҚазАқпарат тілшісі. 

Қазақстанның жалпы халықаралық резервінің көлемі шілде айында 1,84%-ке азайып (өткен жылдың басынан бері 10,43% азайған), 27,702 млрд долларды құраған, соның ішінде таза халықаралық резервтер көлемі 1,86% өсіп (-10,58%), 27,219 млрд доллар болған.

ҚР Ұлттық қоры активтерінің көлемі 0,01%-ке (+0,32%) азайып, 58,174 млрд долларды құрады.

Еркін конвертацияланатын валютадағы активтердің көлемі 10,226 млрд долларды құрады, бұл көрсеткіш өткен айда 8,44%-ке (2018 жылдың желтоқсанынан - 38,16%-ке) төмендеген. Алтын активтердің көлемі 2,48%-ке (+21,44%) өсіп, 17,476 млрд долларды құрады.

Автор: Асхат Ахметбеков

Жоғары қарай