Ауа райы
Астана 0 °С
Алматы 1 °С
валюта бағамы
USD 387.48
EUR 428.98
RUB 6.05
CNY 54.93

Қазақстандық дзюдошы әлем чемпионатының күміс жүлдегері атанды

2019 жылдың 28 қыркүйек 2019 19:34

НҰР-СҰЛТАН. ҚазАқпарат – Мәдина Парагульгова Алматыда дзюдодан жасөспірімдер арасында өтіп жатқан әлем чемпионатында күміс жүлдегер атанды, деп хабарлайды ҚазАқпарат тілшісі.

Қазақстан дзюдо федерациясы мәлім еткеніндей, М.Парагульгова 70 келіден астам салмақта татамиге шықты.

Мәдина алғашқы қарсыласы кипрлік Занет Мишайлдоуды қиналмай ұтып, ширек финалға өтті. Сосын қырғызстандық Шәһида Нармұхамедованы жеңді.

Жартылай финалда франциялық Лиз Нгельбиядан вазаримен алты секунд қалғанға дейін ұтылып жатып, иппонмен жеңісті жұлып алып, қарсыласын қапы қалдырды.

Финалда бразилиялық дзюдошы, Панамериканың екі дүркін чемпионы Анна Судтосқа есе жіберген М.Парагульгованың күміс медалі – үлкен табыс.

Осылайша Қазақстан құрамасы жекелей сайыстарды 1 алтын, 1 күміс, 4 қоламен тәмамдады.

Ертең – әлем чемпионатының соңғы күні. Құрамалар аралас командалық жарыста сынға түседі.

Еске сала кетейік, бұдан бұрын дзюдодан әлем чемпионатында тағы бір қазақстандықтың қола жүлде алғанын жазған болатынбыз.

Автор Елжан Ералы
Басты сөздер: Спорт,
Жоғары қарай