Ауа райы
Астана -20 °С
Алматы -8 °С
валюта бағамы
USD 386.44
EUR 428.37
RUB 6.06
CNY 54.93

Қазақстанда валюта айырбастаушылардан құжат сұрау ұсынылды

2019 жылдың 6 тамыз 2019 17:22

НҰР-СҰЛТАН. ҚазАқпарат – ҚР Ұлттық банкінің ресми сайтында «Қазақстан Республикасында қолма-қол шетел валютасымен айырбастау операцияларын ұйымдастыру қағидаларын бекіту туралы» ҚР ҰБ басқармасының №49 қаулысына өзгерістер мен толықтырулар енгізу туралы» қаулы жобасы жарияланды, деп хабарлайды ҚазАқпарат.

Қаулы жобасына сәйкес, 51-тармақ төмендегідей өзгертілуі мүмкін.

«Әрбір жүргізілген айырбастау операциясы бойынша тізілімдер журналында мыналар көрсетіледі: клиенттің жеке басын куәландыратын құжаттың деректері (тегі, аты және әкесінің аты (бар болса) (аты, әкесінің аты толық көрсетіледі), құжаттың түрі, берілген күні, құжаттың нөмірі, қолданылу мерзімі); клиенттің жеке сәйкестендіру нөмірі (бар болса); клиенттің заңды мекенжайы», делінген құжатта.

Автоматтандырылған айырбастау бекеті үшін бір айырбастау операциясының сомасы 500 000 теңгеден аспауы тиіс.

Автор Айжан Серікжанқызы
Басты сөздер: ҚР Ұлттық банкі,
Жоғары қарай