Ауа райы
Астана 22 °С
Алматы 21 °С
валюта бағамы
USD 386.34
EUR 427.25
RUB 5.88
CNY 54.57

Қазақстанда ұлттық өнерді дәріптейтін Dombyra телеарнасы ашылады

2019 жылдың 21 ақпан 2019 15:35 2444

АСТАНА. ҚазАқпарат - 25 ақпаннан бастап Қазақстанда жаңа Dombyra телеарнасы көрсетіле бастайды, деп хабарлайды ҚазАқпарат телеарна директоры Қанат Ержігітовке сілтеме жасап.

«Dombyra» телеарнасы - қазақ халқының  рухани жан серігіне айналған музыкалық төл аспаптарын, дәстүрлі әндері мен ұлттық күйлерін халыққа барынша насихаттайтын жаңа форматтағы телеарна болуды көздейді. Бағдарламалар тәулік бойы қазақ тілінде жүргізіледі. Оның эфирінде отандық өнерпаздардың ән-күй, жырларды көрсетіледі. Аспаптарды үйрену мектебі, қолөнер шеберлері жайлы бағдарламалар түсіріледі», - деді Қанат Ержігітов ҚазАқпарат тілшісіне берген сұхбатта.

Оның айтуынша, телеарна жұмысы жеке қаржыландыру есебінен жүргізіледі. 

«Dombyra» телеарнасы Отау ТВ, «IDТV»,  YOUTUBE және әлеуметтік желілер арқылы таратылады. Бұл арнаны ауылда да, қалада да тегін тамашалауға болады», - деді телеарна директоры. 

Еске сала кетсек, 2018 жылы Мемлекет басшысы Нұрсұлтан Назарбаевтың Жарлығымен шілде айының 1 жексенбісі «Ұлттық домбыра күні» болып жарияланған болатын.



null 

 

Жоғары қарай