Ауа райы
Астана -6 °С
Алматы -3 °С
валюта бағамы
USD 388.81
EUR 429.01
RUB 6.08
CNY 55.49

Қазақстанда газды қайта өңдейтін зауыт салынуы мүмкін

2019 жылдың 2 қазан 2019 17:23

НҰР-СҰЛТАН. ҚазАқпарат – Қазақстанда газды қайта өңдейтін зауыт салынуы мүмкін. Бұл туралы бүгін Үкімет үйіндегі баспасөз мәслихатында ҚР Энергетика бірінші вице-министрі Махамбет Досмұхамбетов айтты, деп хабарлайды ҚазАқпарат тілшісі.

«Газды қайта өңдейтін зауыт құрылысына қатысты айтар болсам, бүгінгі күні өндірілетін ілеспе газ көлемін кәдеге асыру мұнай өндіруді арттыруға тежеу болып отырған фактор саналады. Осыған орай газды қайта өңдейтін зауыт салу нұсқасы қаралып жатыр. Әзірше, болжаммен жылына 1 млрд текше метрлік өндірістік қуатты, дегенмен одан кейін еселей түсуге мүмкіндігі бар модульдік тұрғыда жасалатын нұсқасы қарастырылуда», - деді ол.

Оның айтуынша, қазіргі уақытта бұл мәселенің техникалық жағы қарастыру үстінде.

«Дәл осыған жобаның құны да, қаржыландыру мәселелері де байланысты. Бұл мәселе әзірше талқыланып жатыр. Дегенмен, іс жүзінде бұл өте дұрыс шешім. Меніңше, қажеттілікті ескер отырып, оны таяу үш жылдың ішінде жүзеге асырған жөн сияқты. Әйтпесе, одан кейін оның тиімділігі өзекті болмай қалады», - деді бірінші вице-министр.

Жоғары қарай