Ауа райы
Астана 20 °С
Алматы 33 °С
валюта бағамы
USD 413.12
EUR 452.86
RUB 5.82
CNY 57.92

Қазақстанда 65 жастан асқан азаматтардың көшеде жүруіне шектеу енгізілді

2020 жылдың 27 наурыз 2020 18:33

НҰР-СҰЛТАН. ҚазАқпарат – Қазақстанда 65 жастан асқан адамдардың көшеде жүруіне шектеу енгізілді.

Бұл туралы ҚР Бас мемлекеттік санитарлық дәрігері Айжан Есмағамбетованың Қаулысында айтылған, деп хабарлайды ҚазАқпарат.

«65 жастан үлкен азаматтарға азық-түлік пен дәрі-дәрмекті жеткізуді қамтамасыз ете отырып, олардың қозғалысын шектеу қамтамасыз етілсін», - делінген Бас санитардың 2020 жылғы 26 наурыздағы №27 қаулысында.

Одан бөлек, Қаулыда:

- 6 сәуірден бастап барлық орта білім беру ұйымдарын қашықтықтан оқытуға ауыстыру;

- әуежайлардың, теміржол және автовокзалдардың ғимаратына шығарып салушы және күтіп алушы адамдардың кіруін шектеу;

- дипломатиялық өкілдіктердің, консулдық мекемелердің және Қазақстан Республикасында аккредиттелген халықаралық ұйымдар өкілдіктерінің қызметкерлері және олардың отбасы мүшелері COVID-19-ға зертханалық тексеруге және 14 тәулік бойы үйде оқшаулау қажеттігі туралы айтылған.

Еске сала кетсек, қазіргі уақытта коронавирус инфекциясымен Нұр-Сұлтан қаласы бойынша 60 адам, Алматы қаласында – 48 адам, Қарағанды қаласында - 4, Жамбыл облысында -3 адам, Атырау облысы - 3 адам, Шымкент қаласында - 2 адам, Алматы облысында - 1 адам, Ақтөбе облысында - 1 адам, Солтүстік Қазақстан облысында - 1 адам, Ақмола облысында - 1 адам, Павлодар облысында - 1 адам, жалпы 125 науқас тіркелді.


Жоғары қарай