Ауа райы
Нұр-Сұлтан 21 °С
Алматы 24 °С
валюта бағамы
USD 382.38
EUR 428.30
RUB 5.97
CNY 55.39

Қазақстан Президенті Instagram желісінде парақша ашты

2019 жылдың 1 сәуір 2019 18:52 997

НҰР-СҰЛТАН. ҚазАқпарат - Президент Қасым-Жомарт Тоқаев елімізде халық ең көп пайдаланатын əлеуметтік желілердің бірі Instagram желісінен ресми парақша ашты, деп хабарлайды ҚазАқпарат. Бұл туралы Қазақстан Республикасы Президентінің баспасөз хатшысы Берік Құрманғали мәлім етті.

«Жақында өңір әкімдеріне жұртпен етене байланыс орнату үшін заманауи байланыс құралдарын ұтымды пайдалануға, яғни халықпен кері байланыс орнату мақсатында əлеуметтік желілерде белсенді болуға шақырдым. Өздеріңізге белгілі, мен бірнеше жылдан бері Twitter желісін белсенді қолданып, мемлекетіміз үшін ең маңызды деген дүниелермен бөлісіп келемін. Ендігі ретте осы үрдісті халық ең көп шоғырланған Instagram желісінде де жалғастыруды жөн деп таптым», - деп жазады Мемлекет басшысы Instagram парақшасындағы жазбасында.

Сондай-ақ, Берік Құрманғали Инст аграмда Президенттің атынан ашылған парақшалардың көбейіп кеткенін атап өтті. «Соңғы уақытта Instagram желісінде Президенттің атынан ашылған парақшалар көбейіп кетті, бірақ олардың ешқайсысы да ресми емес. Бұдан былай ресми парақша біреу, оның мекен-жайы @tokayev_online», - дейді баспасөз хатшысы. 


null 

Жоғары қарай