Ауа райы
Астана -5 °С
Алматы 5 °С
валюта бағамы
USD 376.16
EUR 406.18
RUB 5.90
CNY 53.60

Қарағандыда тұрақтандыру қоры азық-түлік пен көкөністі арзан бағада сатып жатыр

2020 жылдың 14 қаңтар 2020 08:56

ҚАРАҒАНДЫ. ҚазАқпарат – Қарағандыда тұрақтандыру қорының көкөністері мен бакалея өнімдері төмен бағамен сатылып жатыр. Бұл әлеуметтік маңызы бар өнімдердің бағасын ұстап тұруға көмектеседі, деп хабарлайды ҚазАқпарат тілшісі.

Қазір тұрақтандыру қорында 768 тонна бакалея өнімі бар: қарақұмық жармасы, күріш, май, шекер және ұн. Көкөніс – 2600 тонна, олар – картоп, қызылша, сәбіз, қырыққабат және пияз. Бұл қор өнімдердің маусымдық тапшылығы кезінде бағаның өсіп кетпеуін қамтамасыз етеді.

«Күзде біз қарақұмық бойынша интервенция жасадық. Оны бір келісі 185 теңгеден сатылды. Сонымен қатар, картопты 65 теңгеден шығардық. Қазір қырыққабаттың интервенциясын жасап жатырмыз. Оның бағасы - 83 теңге. Бұл тауарларды нарықтағы бәсекені арттыру және бағаның өсуіне мүмкіндік бермеу үшін әлеуметтік павильондар арқылы таратамыз», - деді «Сарыарқа» ӘКК басқарма басшысы Марғұлан Кәрібеков.

Қарағанды облысының әкімі Жеңіс Қасымбек әлеуметтік маңызы бар өнімдердің бағасын тұрақтандыру жұмысын күшейтіп, нарықта тауар тапшылығы болмауын бақылауды тапсырды.


Жоғары қарай